X
Menu
X

Page 2

Rolda de prensa para presentar a Asemblea Xeral de Socios en Ardán o domingo 19 de xuño

A  Asociación de Propietari@s de Montes do Morrazo cumpre un ano dende a súa constitución e,  de acordo co recollido nos seus estatutos, ten a obriga de celebrar unha asemblea xeral con todos os seus asociad@s.

Tamén queremos convidar, para que teñan representación neste acto, ás comunidades de montes, asociación veciñais,  madereiros e outras persoas da comarca relacionadas co monte.

Nesta xuntanza trataranse varios temas como  a elección ou renovación dos membros da Xunta de Goberno,  a aprobación das contas e o orzamento anual, o programa de actividades e demáis asuntos que se consideren.

ASEMBLEA XERAL ORDINARIA:

. Día: 19 de xuño de 2016

. Hora: ás 10.30 horas en 1º convocatoria e ás 11.00 h. en 2º convocatoria

. Lugar: Casa da Cultura de Ardán, Marín.

. Orde do día:

1.- Lectura Acta Asemblea Constituínte do 28/06/2015.

2.- Ratificación das modificacións introducidas nos artigos: 4.b; 12.g.h.; 13.b; 14.B.; 25; 28; 46; e Disposición Transitoria dos Estatutos para a  súa legalización.

3.- Aprobación do Informe de Xestión: xuño 2015- xuño 2016.

4.- Estado de contas: Ingresos e Gastos.

5.- Proposta de nova Xunta de Goberno.

6.- Plan de actuación e Orzamento para o vindeiro exercicio:  xuño 2016- xuño 2017.

7.- Outros.

Agradeceriamos  a túa presencia neste acto e animámosche a que nos fagas chegar todas as aportacións ou suxerencias que consideres beneficiosas para o monte.

A Asociación de Propietarios de Monte do Morrazo (APMM) vén de ser inscrita no Rexistro Provincial de Asociacións, legalizando desta maneira a súa acta de constitución e os seus estatutos, nos que figuran como fins, entre outros, a mellora da rendibilidade forestal e a rendibilidade dos montes privados.

NOVA  XUNTANZA EN SAN XULIAN  DA ASOCIACION DE PROPIETARI@S DE MONTE  DO MORRAZO (A.P.M.M.)

DOMINGO 10 de ABRIL de 2016 ás 11:00  horas na Casa da Cultura de San Xulián ( Marín)

Para:  

1.- Darse de alta na Asociación.

2.- Recoller-Entregar  Ficha  de Rexistro de Tomadas.

3.- Consultar Planos do Catastro con localización de Parcelas.

4.- Rogos e Preguntas.

Acude á próxima asemblea e convida a amig@s, familiares  e veciños que queiran localizar as súas tomadas e axudar á mellora e coidado do monte

Nova Xuntanza na Casa da Cultura de Seixo. Domingo 12 de marzo de 2016

Hoxe, sábado as 17:00 horas,  fixemos un novo acto de presentación da APMM na casa da cultura de Seixo.

Foi unha xuntanza moi participativa  á que acudiron  uns 30 veciños, que aportaron as súas opinións e suxerencias.

Todos os asistentes  estivemos dacordo en que só xuntos podemos avanzar para mellorar o monte. Fíxose especial fincapé en que cada novo socio intente explicar a veciños e coñecidos, con propiedades no monte,  as ventaxas de unirse para facernos mais fortes.

Fixemos novos socios e acordouse que as persoas interesadas  poden deixar as fichas de socios e tomadas, ao encargado da casa da cultura de Seixo , entregalas  a diretiva da APMM directamente, nas xuntanzas dos mércores ás 20:00 h na casa da cultura de Cela, ou contactar con nos por diferentes medios.

Gracias a tod@s por acudir a nosa convocatoria

1fotoseixo5fotoseixo

4fotoseixo

2fotoseixo

Moi boa acollida na xuntanza na Casa da aldea de Meiro, domingo 6 de marzo 2016

O pasado domingo, as 11:00 horas, tivo lugar a asemblea de presentación da APMM na casa da aldea de Meiro.

Asisitiron unhas 60 persoas que amosaron moito interese pola asociación e polo coidado e aproveitamento do monte.

Os interesados en facerse socios poden deixar as follas de inscrición e de tomadas á asociación de veciños, contactar con nos  ou entregalas, dentro dun mes, xa  que volveremos a facer outra xuntanza no mesmo lugar.

 

fotomeiro4 (1)fotomeiro10

fotomeiro7

fotomeiro4 (2)

 

casa da aldea de Meiro

 

fotomeiro8

 

Domingo 6 de marzo 2016. Xuntanza da APMM na Casa da Aldea de Meiro

Próxima xuntanza da Asociación de Propietarios de Montes do  Morrazo, APMM, na casa de aldea de Meiro,  o  domingo 6 de marzo as 11,00 horas da mañana.

Seguindo  coa  ronda de xuntanzas  por parroquias, la APMM quere acercarse aos veciños das zonas de  Meiro, Ermelo, A Portela  e  outros interesados, para dar a coñecer  a  asociación, os seus  fins e obxectivos e acadar   novos soci@s e así, xuntos colaborar na mellora e  recuperación do monte.

Acude a esta xuntanza e convida a veciños e familiares polo futuro do monte privado do morrazo

Xuntanza da APMM en  SAN XULIAN. Domingo  28 Febreiro  2016

O pasado domingo, 28 de febreiro de 2016, ás 11: 00 horas, celebrouse  unha  xuntanza de presentación da APMM  na parroquia de San Xulián de Marín, nos locais da  casa da cultura de San Xulián ( (carreteira  à Figueirido)

Foi unha asemblea moi participativa a que acudiron uns 50 veciños que coincidiron con nos en que só  é posible a recuperación do monte, traballando xuntos.   Varios deles mostraron interese en facerse socios e avanzar para acadar os obxectivos da asociación

san xulian 1

san xulian 2san xulian 6

Félix Juncal mostra o apoio de Bueu a Propietarios de Montes do Morrazo no seu obxectivo de potenciar unha xestión conxunta

Nova publicada en: http://morrazoaldia.com/gl/felix-juncal-muestra-el-apoyo-de-bueu-a-propietarios-de-montes-do-morrazo-en-su-objetivo-de-potenciar-una-gestion-conjunta/

O alcalde de Bueu, Félix Juncal, mantivo unha reunión coa Asociación de Propietarios Montes do Morrazo para mostrar o seu apoio e aposta pola colaboración co obxectivo de recuperación dos montes privados e do seu valor económico. No encontro, a nova asociación da comarca solicitoulle apoio institucional, do mesmo xeito que fixeron en setembro coa alcaldesa de Marín, e colaboración para obter información gráfica e de propiedade das parcelas, a limpeza de camiños e sinalización que facilite a localización das parcelas, así como apoio económico para axudar na xestión de localización.

A Asociación de Propietarios Montes do Morrazo está formada por varios propietarios de parcelas forestais dos concellos de Bueu e Marín que se uniron en xuño concienciados do alto valor económico e social que teñen os montes como fonte de recursos naturais e de sustento. Ademais, pretenden afianzarse nestes dous concellos para chegar despois a Cangas e Moaña. A asociación atópase en fase de consolidación e está a levar a cabo a captación de socios e socias propietarios de parcelas para potenciar unha xestión conxunta. O alcalde de Bueu coincidiu con eles en que a través destes traballos vaise a recuperar “a dignidade e ou valor do monte, para que deixe de estar non seu estado de abandono actual e pase a ser xerador de novas oportunidades de emprego e riqueza”.

Inaugurada web da APMM

A Asociación de Propietarios de Monte do Morrazo inaugura a súa páxina web, www.montemorrazo.com, con ampla información sobre a iniciativa e varias seccións que permiten o contacto directo entre as veciñas e veciños do Morrazo coa asociación sen ánimo de lucro. A páxina web, cun deseño moderno e sinxelo, permite así mesmo conectar coas diferentes redes sociais da APMM, ler as últimas novas referentes á asociación, ou informarse da axenda de actos que terán lugar nos diferentes lugares da comarca.

Reunión coa Alcaldesa de Marín
A asociación ven de reunirse coa alcaldesa de Marín. Puso a disposición do colectivo os planos para achegarse aos obxectivos.